اسلام آباد۔12اکتوبر(اے پی پی) نگراں وزیراعظم انوار الحق کاکڑ بورڈ آف انویسٹمنٹ دے اعلیٰ حکام کوں ٻاہرلے ملک رہݨ آلی پاکستانی کمیونٹی نال سرمایہ کارانہ اشتراک سانڳے موثر حکمت عملی بݨاوݨ دی ہدایت کیتی اے۔ وزیراعظم آفس دے میڈیا ونگ توں جاری بیان موجب وزیراعظم نال بحرین کیتے سابق پاکستانی سفیر جاوید ملک ملاقات کیتی۔ ملاقات اچ جاوید ملک ٻاہرلے ملک رہݨ آلی پاکستانی کمیونٹی نال پاکستان اچ سرمایہ کارانہ سرگرمیاں اچ تعاون کیتے ھک پلیٹ فارم تشکیل ݙیوݨ دی تجویز پیش کیتی ۔ وزیراعظم بورڈ آف انویسٹمنٹ دے اعلیٰ حکام کوں ٻاہرلے ملک رہݨ آلی پاکستانی کمیونٹی نال سرمایہ کارانہ اشتراک سانڳے مؤثر حکمت عملی بݨاوݨ دی ہدایت کیتی ۔
