راولپنڈی۔18 مارچ(اے پی پی)بلوچستان دے علاقے آواران اچ سکیورٹی فورسز نال فائرنگ اچ 3 دہشتگرد ماریے گن اتے انہاں دے قبضے توں ٻھاری اسلحہ گولہ بارود ملیے۔ آئی ایس پی آر آکھیے جو آواران دے جنوبی حصہ اچ سرگرم دہشت گرد گروہ کوں روکݨ کیتے انٹیلی جنس بیسڈ آپریشن کیتا ڳئے ڄیڑھے تربت آواران روڈ اتے نال دے علاقیاں اچ فائرنگ اتے دیسی ساختہ بم دی وارداتاں اچ ملوچ ہن۔ فورسز دہشتگرداں کوں کمیں گاہ دو ویندے روکیے تاں انہاں فائرنگ کرݙتی۔ شدید فائرنگ اچ تریے دہشتگرد ماریے گئن جنہاں دے قبضے توں اسلحہ اتے گولہ بارود دا ذخیرہ ملیے۔ پاک فوج قوم دے شانہ بشانہ بلوچستان دے امن، استحکام اتے ترقی کوں خراب کرݨ دیاں کوششاں ناکام ٻݨاوݨ کیتے پرعزم اے۔
