اسلام آباد۔10ستمبر (اے پی پی) نگران وفاقی وزیر برائے مذہبی امور انیق احمد آکھیا جو پاکستان اچ ساری اقلیتاں کوں پوری آزادی اے، سکھ یاتریاں کیتے حکومت پاکستان مزمان نوازی اچ کوئی کسر نہ رکھیسی۔ جاری پریس ریلیز موجب اے ڳالھیں انہاں گزریل ݙینھ ننکانہ صاحب گورودوارہ جنم استھان آوݨ دے موقع تے چیئر مین متروکہ وقف املاک بورڈ عطا الرحمان اتے چیئرمین پاکستان سکھ گورودوارہ پربندھک کمیٹی سردار امیر سنگھ دے رلے میڈیا نال ڳالھ مہاڑ کریندیں ہوئیں آکھی۔ نگران وفاقی وزیر انیق احمد آکھیا جو پاکستان اچ عبادت گاہیں دی زیارت کیتے سکھاں کوں خصوصی طور ترائے ہزار ویزے ݙتے ویندے پئن۔ پاکستان اچ کوئی وی حکومت ہووے سکھ بھرا اوں توں مطمئن رہندن۔
