اسلام آباد۔22دسمبر(اے پی پی) وفاقی وزیر قانون و انصاف سینیٹر اعظم نذیر تارڑ ملک دی ترقی، سلامتی اتے پائیدار ترقی کیتے بدعنوانی دے سنگین مضمرات کوں اجاگر کریندے ہوئیں او آئی سی دے رکن ملکاں تے زور ݙتے جو او آپمے قانونی اتے انتظامی نظاماں اچ گڈ گورننس کوں رلاون تے تکڑا کرن ۔ وزارت قانون و انصاف توں جاری بیان موجب وفاقی وزیر 20-21 دسمبر 2022 کوں جدہ اچ منعقدہ او آئی سی ملکاں دے انسداد بدعنوانی دے قانون نافذ کرݨ آلے اداریں دے پہلے وزارتی اجلاس اچ شرکت کیتی رکن ملکاں دے انسداد بدعنوانی قانون نافذ کرݨ آلے اداریں متعلق وزراء، نائب وزراء اتے سینئر حکام اجلاس اچ شرکت کیتی۔ اجلاس اچ انسداد بدعنوانی قانون نافذ کرݨ آلے تعاون توں مکہ المکرمہ کنونشن کوں منظور کیتا ڳئے ۔ایں موقع تے خطاب کریندے ہوئیں وفاقی وزیر قانون و انصاف اعظم نذیر تارڑ مکہ المکرمہ کنونشن دے اقدام تے سعودی عرب قیادت دی تعریف کیتی ۔ملک دی ترقی، سلامتی اتے پائیدار ترقی کیتے بدعنوانی دے سنگین مضمرات کوں چیندے ہوئیں وفاقی وزیر قانون رکن ملکاں تے زور ݙتے جو او آپݨے قانونی اتے انتظامی نظاماں اچ گڈ گورننس کوں رلاوݨ تے تکڑا کرن۔
