اسلام آباد۔12جنوری(اے پی پی) وزیراعظم محمد شہبازشریف آکھیے پاکستان سعودی عرب دے وزیراعظم تے ولی عہد شہزادہ محمد بن سلمان دی طرفوں پاکستان دے سیلاب متاثرین دی بحالی کیتے ھک ارب ڈالر دی امداد دے اعلان تے انہاں دا شکریہ ادا کریندے ،پاکستان سیلاب زدگان دی بحالی کیتے سعودی عرب دی امداد کوں ٻہوں قدر دی نگاہ نال ݙٰیکھدے ۔ وزیراعظم آفس دے میڈیا ونگ توں جاری بیان موجب اے ڳالھیں وزیراعظم محمد شہباز شریف سعودی فنڈ دے چار رکنی وفد نال خمیس کوں اسلام آباد اچ ملاقات دے دوران آکھئن ۔ وفد دی سربراہی سعودی فنڈ دے چیف ایگزیکٹو آفیسر سلطان المرشد کریندے پئے ہن ۔وزیر اعظم پاکستان دے سیلاب زدگان دی بحالی کیتے ھک ارب ڈالر دی امداد دے اعلان تے سعودی عرب دے عوام تے حکومت دا دلوں شکریہ ادا کیتے ۔وزیر اعظم اوکھے ویلھے پاکستان دا ساتھ ݙیوݨ تے سعودی وزیراعظم تے ولی عہد شہزادہ محمد بن سلمان دا وی خصوصی شکریہ ادا کیتے۔ملاقات کریندے پاکستان اچ سعودی عرب دے مختلف ترقیاتی منصوبیں دا وی جائزہ ڳھدا ڳئے ۔ ملاقات اچ وزیر خزانہ محمد اسحاق ڈار، وزیر قانون اعظم نذیر تارڑ ، وزیراعظم دے مشیر احد چیمہ تے متعلقہ اعلی حکام وی موجود ہن۔
