اسلام آباد۔8ستمبر (اے پی پی) وفاقی وزیر برائے توانائی خرم دستگیر خان آکھیا جو حکومت پائیدار اتے صاف توانائی کیتے پرعزم، مقامی وسائل نال بجلی دی پیداوار کوں ترجیح ݙیسی۔ اے ڳالھیں انہاں خمیس کوں سی پیک دے تحت توانائی دے منصوبیاں بارے رپورٹ دے اجرا دے موقع تے آکھی۔ انہاں آکھیا جو توانائی پاکستان کیتے اہم شعبہ اے اتے ایندا معاشی ترقی اچ اہم کردار اے۔ انہاں آکھیا جو پائیدار ترقی دا ستواں ہدف کلین اتے قابل رسائی انرجی اے جئیں کیتے اساں کوشش کریندے پیوں۔ روس یوکرین تصادم دے بعد عالمی سطح تے توانائی دے نرخ ودھین جئیں نال اساݙے زرمبادلہ دے ذخائر تے دباؤ آئے۔ حکومت دی ترجیح اے جو ہݨ توانائی مقامی وسائل نال پیدا کریسوں۔ یعنی درآمدی نی مقامی وسائل ہائیڈل،سولر،ونڈ،تھر کول اتے نیوکلیئر نال بجلی ٻݨائی ونڄے۔ انہاں آکھیا جو وزارت توانائی ،پی پی آئی پی، متبادل توانائی بورڈ اتے ݙوجھے اداریاں اچ جدت ڳھدی آندی اے۔ گورننس بہتر کریندے پیوں۔ 3 کروڑ 30 لکھ بندے سیلاب توں متاثر تھین، وݙی تباہی تھئی اے، ماضی دی حکومت گرمیاں اچ بجلی بارے کوئی منصوبہ بندی نی کیتی۔
