اسلام آباد۔11جون (اے پی پی) وفاقی حکومت آئندے مالی سال 2021-22 دے سرکاری شعبہ دے ترقیاتی پروگرام دے تحت اطلاعات تے نشریات ڈویژن ڈویژن دی 8 جاری اتے 7 نویں سکیماں سانڳے مجموعی طور تے 1899 ملین روپے توں ودھ دی رقم رکھی ڳئی اے۔جمعے کوں جاری سرکاری شعبہ دے ترقیاتی پروگرام دے اعدادومشار دے مطابق اٹھ جاری سکیماں سانڳے مجموعی طور تے 442 ملین روپے توں ودھ رقم رکھی ڳئی اے جڈانجو انہاں دی مجموعی لاگت دا تخمینہ 1510 ملین روپے توں ودھ اے۔ ست نویں سکیماں سانڳے 1457 ملین روپے رکھیے ڳئن جڈانجو انہاں دی مجموعی لاگت دا تخمینہ 4853 ملین روپے توں ودھ لاتا ڳئے۔ اطلاعات و نشریات ڈویژن دے جاری منصوبیاں اچ شامل گوادر اچ 100 کلوواٹ دے میڈیم ویو ریڈیو سٹیشن سانڳے 135 ملین روپے، پی ٹی وی دے کیمرہ اتے پروڈکشن آلات دی جدت سانڳے 121 ملین روپے، ری براڈ کاسٹ سٹیشن بارکھان (نظرثانی شدہ) سانڳے 19 ملین روپے توں ودھ ، ری براڈ کاسٹ خاران (نظرثانی شدہ) سانڳے 25 ملین روپے توں ودھ، ری براڈ کاسٹ سٹیشن کوٹلی سانڳے 20 ملین روپے توں ودھ، ری براڈ کاسٹ سٹیشن زیارت سانڳے 7 ملین توں ودھ، مظفر آباد اچ میڈیم ویو سروسز دی بحالی سانڳے 62 ملین توں ودھ اتے میر پور اچ میڈیم ویو ٹرانسمیٹر دی تبدیلی سانڳے 50 ملین روپے رکھیے ڳئن۔ نویں سکیماں اچ شامل ریڈیو پاکستان ملتان اچ آڈیٹوریم دی تعمیر سانڳے 37 ملین روپے، انفارمیشن سروس اکیڈمی اسلام آباد اچ ڈیجیٹل اتے سوشل میڈیا لیب سانڳے 28 ملین روپے توں ودھ، پاکستان انفارمیشن سینٹر دے قیام فیز I سانڳے 69 ملین روپے توں ودھ، پاکستان میڈیا یونیورسٹی بݨاوݨ دی فزیبلٹی سانڳے 17 ملین روپے، ریڈیو پاکستان ملتان اچ پسنجر لفٹ دی فراہمی سانڳے 13 ملین روپے توں ودھ، ڈی ٹی ایم بی۔ اے ڈیجیٹلائزیشن آف ٹیرسٹریل نیٹ ورک سانڳے 540 ملین روپے توں ودھ روپے رکھیے ڳئن۔
