اسلام آباد۔14مئی(اے پی پی)وزیر خارجہ مخدوم شاہ محمود قریشی آکھیے جو فلسطین دی صورتحال تے مشترکہ لائحہ عمل کیتے او آئی سی دی ایگزیکٹو کمیٹی وزرائے خارجہ دا ہنگامی اجلاس 16 مئی کوں سݙ ڳھدا ڳئے۔ اے قآلھ انہاں امیر جماعت اسلامی سراج الحق نال ٹیلی فون تے الیندے آکھی۔ انہاں آکھیا جو فلسطینیاں تے اسرائیلی مظالم تے پوری قوم کوں چنتا اے، ایں معاملے تے مسلم امہ کوں ہک مٹھ کرݨ دا فیصلہ کیتے، امید اے او آئی سی ایندے تے پر اثر جامع حکمت عملی ݙیسی، مسجد اقصٰی دا تقدس ساݙے ایمان دا حصہ اے، ہنگامی اجلاس اچ شرکا کوں پاکستان دا چنتا ݙسیساں۔ ݙوہاں رہنماواں فلسطین دی صورتحال اتے اتحاد بین المسلین تے ڳالھ کیتی۔ وزیر خارجہ امیر جماعت اسلامی سراج الحق کوں وزیر اعظم ولوں فلسطینیاں جاری مظالم رکواوݨ اتے مسئلہ فلسطین دے پرامن حل کیتے عالمی برادری خاص کر مسلم ملکاں نال جاری روابط دا ݙسایا۔ انہاں ایں معاملے تے پاکستان دیاں سفارتی کوششاں دی وی آگاہی ݙتی۔
