اسلام آباد– 10 – جون (اي پي پي) وزيراعظم محمد شهباز شريف پاڪستاني نوجوان اسرار خان کي 2025ع جي لاءِ آڪسفورڊ يونين جو صدر چونڊجڻ تي دلي مبارڪباد ڏيندي چيو آهي ته هن پوري قوم جو ڳاٽ فخر سان بلند ڪري ڇڏيو آهي. سماجي رابطي جي ويب سائيٽ ايڪس تي پوسٽ ۾ هن چيو ته هو اسرار خان کي هيلري ٽرم 2025ع جي لاءِ آڪسفورڊ يونين جو صدر چونڊجڻ تي دلي مبارڪباد ڏيڻ ۾ پاڪستاني عوام سان گڏ آهي. اها بلوچستان پاڪستان جي هڪ شاگرد جي لاءِ تمام وڏي ڪاميابي آهي جڏهن ته محنت ۽ سگهه جو روشن مثال آهي. وزيراعظم چيو ته هن پوري قوم جو ڳاٽ فخر سان بلند ڪري ڇڏيو، سندس ان مدي جي لاءِ نيڪ خواهشن جو اظهار ڪريان ٿو.
