اسلام آباد۔20فروری(اے پی پی):الیکشن کمیشن آف پاکستان آکھیے جو تریمتاں تے غیرمسلماں سانڳے مختص قومی و صوبائی اسمبلی دیاں نشستاں دے امیدواران انتخابی خرچے دے گوشوارے 21 فروری تئیں جمع کروا سڳدن۔ ترجمان الیکشن کمیشن اپݨے ھک بیان اچ آکھیے جو تریمتاں تے غیرمسلماں سانڳے مختص قومی و صوبائی اسمبلی دیاں نشستاں سانڳے ایجھے سارے امیدواران جنھاں دا ناں حتمی فہرست (فارم-33) اچ موجود اے دی توجہ ایں پاسے کروائی ویندی اے جو انتخابی خرچے دے گوشوارے جمع کراوݨ دی آخری تاریخ21 فروری مقرر اے ، لہذا تریمتاں تے غیرمسلماں دی مخصوص نشستاں سانڳے امیدواراں کوں ݙسایا ویندے جو او انتخابی خرچے دے گوشوارے(فارم-C) متعلقہ ریٹرننگ افسران دے دفتر اچ مقرر تاریخ دے اندر جمع کراون ، نتاں مخصوص نشستاں دے امیدواران دی کامیابی دا نوٹیفکیشن اوں ویلھے تئیں جاری نہ کیتا ویسی جݙاں تئیں نتخابی خرچے دا گوشوارہ(فارم-C) جمع نہ کرویسن ۔
