اسلام آباد۔2دسمبر (اے پی پی) وزیراعظم عمران خان ہدایت کیتی جو لوکاں دی فلاح کیتے حکومتی اقدامات کوں اجاگر کرݨ کیتے موثر میڈیا کمیونی کیشن حکمت عملی ٻݨائی ونڄے۔ خمیس کوں ایوان وزیر اعظم آفس دے میڈیا ونگ توں جاری بیان دے مطابق وزیراعظم نال وفاقی وزیربرائے اطلاعات و نشریات چوہدری فواد حسین ملاقات کیتی۔ وزیر اعلی پنجاب دے معاون خصوصی برائے اطلاعات حسان خاور اتے وزیر اعلی خیبر پختونخوا دے معاون خصوصی برائےاطلاعات بیرسٹر سیف علی وی ملاقات اچ موجود ہن۔ ملاقات اچ وزیراعظم لوکاں دی فلاح کیتے حکومتی اقدامات کوں اجاگر کرݨ کیتے موثر میڈیا کمیونی کیشن حکمت عملی ٻݨاوݨ دی ہدایت کیتی۔
