اسلام آباد۔31جولائی (اے پی پی) سپیکر قومی اسمبلی سردار ایاز صادق آکھیا جو چینی حکومت دے تعاون نال بلوچستان اچ ‘شی پاور’ منصوبہ شروع تھیوݨ سوھݨا کم اے۔ اے منصوبہ پاکستان اتے چین دی یاری دی ہک جیندی مثال اے۔ بدھ کوں چینی سفارتخانے اچ بلوچستان دی تریمتیں دی صحت بارے تھیوݨ آلی تقریب توں خطاب کریندیں ہوئیں انہاں آکھیا جو سکولاں دی ٻالڑیاں اچ 20 ہزار ہیلتھ کٹس دی تقسیم نال نہ صرف صحت نال جڑیے معاملیاں نال واقفیت تھیسی بلکہ اے ٻالاں دی پرورش اچ وی کم امسی۔ انہاں آکھیا جو بطور سپیکر میں ہمیشہ تریمتیں اتے ٻالاں دے حقوق اتے تحفظ کیتے کم کیتے۔ تریمتیں کوں قومی دھارے اچ ڳھن آوݨ کیتے قانون سازی نال پارلیمانی ویمن کاکس، ایس ڈی جیز ٹاسک فورس ، پارلیمانی کمیٹی برائے جینڈر مینسٹریمنگ ٻݨائے۔ چینی سفیر جیانگ زائیڈونگ تقریب اچ شمولیت تے سپیکر قومی اسمبلی دا شکریہ ادا کیتا۔
