راولپنڈی ۔27نومبر(اے پی پی)خیبر پختونخواہ دے علاقے بنوں دط نیڑط بکا خیل اچ سکیورٹی قافلے تے تھیوݨ آلے خود کش حملے اچ 2 ڄݨے شہید تھئین اتے 3 اہلکاراں سودھا 6 ڄݨے زخمی تھی ڳن۔ موٹر سائیکل سوار خودکش حملہ آور دی سنڄاݨ افغان شہری دے طور تے تھئی اے جیندا تعلق کالعدم ٹی ٹی پی دے حافظ گل بہادر گروپ نال اے۔ آئی ایس پی آر آکھیے جو علاقے اچ کہیں وی ٻئے دہشتگرد دے ہووݨ دا امکان مکاوݨ کیتے آپریشن جاری اے، سکیورٹی فورسز دہشتگردی دی لعنت مکاؤݨ کیتے پرعزم ہین۔
