لاہور۔ 19 جولائی (اے پی پی):گورنر پنجاب محمد بلیغ الرحمن نال گورنر ہائوس لاہور اچ چیئرمین پاکستان کرکٹ بورڈ مینجمنٹ کمیٹی چوہدری محمد ذکا اشرف ملین۔ انہاں کرکٹ دی بہتری کیتے اقدامات، کھیݙاں خاص کر کرکٹ دے ودھارے کیتے سانڄھیاں کوششاں دے مواقع اتے نویں ٹیلنت کوں ٻھارݨ کیتے کوششاں تے الایا۔ گورنر پنجاب محمد بلیغ الرحمن آکھیا جو صحت مند معاشرہ صحت مندانہ سرگرمیاں دے بغیر ناممکن اے، حکومت موثر حکمت عملی نال کھیݙاں دے ودھارے کیتے پورا ہتھ ونݙیسی، قومی کرکٹ ٹیم کوں محنت اتے جذبے نال میدان اچ آوݨا چاہیدے جو پوری قوم دیاں امیداں اپݨی ٹیم نال ڄڑیاں ہین۔ گورنر پنجاب امید کیتی جو چیئرمین پی سی پی چوہدری محمد ذکا اشرف کرکٹ دی ترقی کیتے اپݨیاں پوریاں صلاحیتاں لیسن، چیئرمین پی سی بی گورنر پنجاب کوں ایشیا کپ بارے بریفنگ ݙیندے آکھیا جو 15 سال بعد ایشیا کپ ولا پاکستان اچ تھیندا پئے اتے چار میچ پاکستان اچ تھیسن ایں سانڳے سارے انتظامات مکمل ہین۔
