اسلام آباد۔7مئی(اے پی پی)وزیراعظم شہبازشریف آکھیے جو پاکستان اتے یورپی یونین وچال اقتصادی، تجارتی و سرمایہ کاری دے تکڑے تعلقات کوں اڳو تے ٹورݨا ہوسی، ایں سانڳے موسمیاتی تبدیلی اتے قانونی نقل مکانی سودھا مختلف شعباں اچ تعلقات کوں ٻیا تکڑا کرݨ دی لوڑھ اے۔ اے ڳالھ انہاں اسلام آباد اچ یورپی یونین دے پاکستان اچ وفد دے ناظم الامور تھامس سیلرنال الیندے آکھی۔ ناظم الامور شہباز شریف کوں وزارت عظمیٰ دا منصب سنبھالݨ تے مبارکباد ݙیندے یورپی کونسل دے صدر و یورپی یونین دے صدر ولوں نیک خواہشات پچائن۔ وزیراعظم ݙوہاں ملکاں ولوں اعلیٰ سطح دے وفود دے باقاعدگی نال تبادلے تے زور ݙتے۔
