اسلام آباد۔23اپریل (اے پی پی) صدرمملکت ڈاکٹرعارف علوی سرکاری معلومات لیک کرݨ آلے بدعنوان نیب اہلکار دی سزا برقرار رکھی اے ۔صدر مملکت نیب اہلکار دی کرپشن کیتے سرکاری معلومات لیک کرݨ تے سزا دے خلاف اپیل مسترد کرݙتی ۔ صدرمملکت ڈاکٹر عارف علوی آکھیے جو نیب سرکاری راز افشاء کرݨ دے کیسز اچ ملوث ٻئے افسران دے خلاف کاروائی کیتی ونڄے، افسوس اے جو انسدادِ بدعنوانی کیتے ذمہ وار ادارے نیب دے اندروں ہی کرپشن کیتی ڳئی ۔ تفصیل موجب نیب دے اسسٹنٹ پرائیویٹ سیکرٹری (بی ایس 16 )، نعمان اقبال ، غیر قانونی طور تے غیر متعلقہ لوکاں کوں سرکاری معلومات ݙتن ،انکوائری اچ جرم ثابت تھیوݨ تے اہلکار کوں”پنج سال کیتے گریڈ گھٹا ݙتا ڳئے جیں دے خلاف نیب اہلکار صدر مملکت کوں اپیل کیتی ہئی ۔
