لاہور۔25جون(اے پی پی):وفاقی وزیر دفاع خواجہ محمد آصف آکھیے جو آپریشن عزم استحکام نیشنل ایکشن پلان دا حصہ اے جیندا مقصد دہشت گردی مکمل مکاوݨ اے، ایں اپریشن دے کوئی سیاسی عزائم کائنی، آپریشن عزم استحکام دا پچھلے آپریشنز نال مقابلہ کرݨ درست نئیں، ساریاں کارروائیاں خفیہ معلومات دی بنیاد تے تھیسن اتے آپریشن دا طریقہ کار اتفاق رائے نال طے کیتا ویسی۔ لاہور اچ پریس کانفرنس کریندے وفاقی وزیر دفاع خواجہ محمد آصف آکھیے جو آپریشن عزم استحکام دی کامیابی کیتے سارے اداریاں اتے سیاسی قیادت وچال اتفاق ضروری اے ڄیکر دہشت گردی تے قابو نہ پاتا گیا تاں پورے ملک اچ ایندا اثر پوسی، سارے فریقاں کوں قانون نافذ کرݨ آلے اداریاں دی حمایت کرݨی چاہیدی اے۔ انہان آکھیا جو آپریشن عزم استحکام کوں اسمبلی اچ پیش کر تے ایندے تے بحث کیتی ویسی اتے اپوزیشن دا سارا چنتا مکایا ویسی، اے قومی سلامتی دا معاملہ اے، میڈیا کوں وی اپݨا کردار ادا کرݨا چاہیدے جو دہشتےگردی نال نمٹݨ کیتے ہک مٹھ تھی تے کم کرݨا ہوسی۔خؤاجہ آصف آکھیے جو آپریشن نال کوئی نقل مکانی نہ تھیسی، دہشتگرد گروپاں دا کہیں ہک علاقے تے وی مکمل کنٹرول کائنی ، کڄھ علاقیاں اچ کالعدم بی ایل اے، کالعدم ٹی ٹی پی اتے ٻئے گروپ کارروائیاں کریندن، آپریشن عزم استحکام پارلیمنٹ دی منظوری دے بعد ہی شروع تھیسی۔
.jpg)
.jpg)
