راولپنڈی۔1مئی (اے پی پی) چیف آف آرمی سٹاف جنرل سید عاصم منیر اتے برطانیہ دی فوج دے چیف آف جنرل سٹاف جنرل (سی جی ایس) سرپیٹرک سینڈرز نیشنل ڈیفنس یونیورسٹی اچ چھینویں پاکستان برطانیہ استحکام کانفرنس دے چھیکڑی سیشن توں خطاب کیتا۔ کانفرنس دے افتتاحی سیشن اچ نامزد سی جی ایس یو دے آرمی جنرل سررولنڈوالکر وی شریک تھیے۔ آئی ایس پی آر توں جاری بیان موجب پاک یوکے استحکام کانفرنس ݙوہیں ملکاں وچال دفاعی اتے سکیورٹی تے فلیگ شپ ڈائیلاگ اے جیڑھا جو پاکستان اتے برطانیہ اچ وقتاً فوقتاً تھیندے رہندن۔ انہاں اچ مختلف شعبیاں توں تعلق رکھݨ آلے ماہرین جنہاں اچ سفارتکار، دفاعی حکام ،دانشور اتے سول سوسائٹی دے نمائندے رل ٻہہ تے بہتری کیتے ڳالھ مہاڑ کریندن۔ اڄوکی کانفرنس دا 30 رکنی وفد 29 اپریل توں 3مئی تئیں پاکستان دے دورے تے اے جئیں دی قیادت سٹینڈنگ جوائنٹ فورس کمانڈر میجر جنرل ٹام بیٹ مین کریندے پئن۔ کانفرنس اچ ݙوہیں پاسوں دے وفود عالمی اتےعلاقائی ماحول ، قومی سلامتی ،علاقائی امن اتے استحکام تے ایندے اثرات بارے ڳالھ مہاڑ کریسن۔
.jpg)
.jpg)
