اسلام آباد۔3نومبر (اے پی پی) نگراں وزیراعظم انوار الحق کاکڑ دی ڈیرہ اسماعیل خان اچ دہشتگرد حملے دی مذمت، کریندیں ہوئیں آکھیا جو جݙاں تئیں ارض پاک توں دہشت گردی دا ناسور نی مُکدا دہشت گرداں دے خلاف اساݙی جنگ جاری رہسی۔ جمعے کوں وزیراعظم آفس دے میڈیا ونگ توں جاری بیان موجب وزیراعظم حملے اچ شہریاں دی شہادت تے ݙکھ تے افسوس کیتا۔ انہاں شہیداں دے درجات دی بلندی اتے انہاں دے ٹبراں کیتے صبر دی دعا کیتی۔
