اسلام آباد۔15فروری (اے پی پی) وزیر خارجہ بلاول بھٹو زرداری نال ڈائریکٹر جنرل انٹرنیشنل اٹامک انرجی ایجنسی رافیل ماریانو گروسی بدھ کوں ملاقات کیتی۔ دفتر خارجہ موجب ملاقات اچ آپسی دلچسپی دے معاملیاں تے ڳالھ کیتی ڳی۔ وزیرخارجہ اٹامک انرجی کوں صحت ،زراعت، صنعت اتے بجلی دے شعبے اچ استعمال کرݨ دی اہمیت تے زور ݙتا۔ ڈی جی انٹرنیشنل اٹامک انرجی ایجنسی پاکستان دی نیوکلیئر صلاحیتاں دی تعریف کیتی۔ ڈائریکٹر جنرل انٹرنیشنل اٹامک انرجی ایجنسی رافیل ماریا نو گروسی پاکستان دے ݙو ݙینھ دے دورے تے اسلام آباد اچ ہن۔
