اسلام آباد۔7جولائی (اے پی پی):چیئرمین سی پیک اتھارٹی لیفیٹننٹ جنرل (ر) عاصم سلیم باجوہ آکھیے جو سی پیک فری زون فیزون اچ 1200 ملازمتاں آڳئن ، کورونا وائرس دی وبا سی پیک کیتے وݙا امتحان ہئی جیں اچوں کامیابی نال نکل ڳیوں ، گوادرپورٹ دا قومی اتے مقامی معیشت تے وݙا اثر اے ۔ اے ڳال انہاں ٻدھ کوں میڈیا نال ڳال مہاڑ کریندے ہوئیں آکھی اے ۔چیئرمین سی پی اتھارٹی عاصم سلیم باجوہ آکھیے جو میں سی پیک دے ہر منصوبے دی نگرانی کریندا پیاں تے آپریشنل ایشوز تے وی اساݙی نظر اے ،چینی سرمایہ کاراں دا سی پیک منصوبیں تے اعتماد گھٹ نی تھیا تے نہ ہی سی پیک تے کم رکیے ۔انہاں آکھیے جو بلوچستان دے مغربی روٹس دے علاقیں اچ روزگار دے مسئلے ہن۔ سی پیک منصوبیں دی سکیورٹی بہتر اے اتے کوئی منصوبہ رکیا کائنی ۔ چیئرمین سی پیک اتھارٹی آکھیے جو ٻہوں سارے مسئلے سرحد پار توں ہن جݙاں جو ایران، افغانستان سرحد 60 فیصد سیل کرݙتی ڳئی اے ۔
