کراچی۔19جون (اے پی پی):صدر ڈاکٹر عارف علوی وژن 2030 دے مطابق ملک اچ صحت دیاں سہولتاں دا معیار بلند کرݨ دی خاطرنرسنگ دے شعبہ اچ بین الاقوامی معیار توں ہم آہنگ تعلیم و تربیت تے زور ݙیندے ہوئیں آکھیے جو نرساں کیتے ماسٹر ٹرینرز دی خدمات حاصل کیتیاں ویسن ۔ہفتے کوں گورنر ہائوس اچ ینگ نرسز ایسوسی ایشن (وائی این اے) سندھ دے وفد نال ملاقات اچ صدرمملکت نرسنگ دے پیشہ دی اہمیت کوں اجاگر کریندے ہوئیں آکھیے جو ہیومن ڈویلپمنٹ انڈیکس اتے وژن 2030 دے اہداف دے حصول دے ضمن اچ اے شعبہ اہمیت رکھیندے ، انہاں پاکستان نرسنگ کونسل (پی این سی) تے زور ݙتے جو نرساں کوں معیاری تعلیم اتے نرسنگ دے بہترین اصولاں تے عملدرآمد کیتے ماسٹر ٹرینرز دیاں خدمات حاصل کیتیاں ونجن ۔ صدر مملکت پی این سی دے مقصد دی تکمیل اچ حائل رکاوٹاں کوں دور کرݨ دا یقین وی ݙیوایا ۔
