اسلام آباد – 19 آڪٽوبر (اي پي پي) صدر ڊاڪٽر عارف علوي چيو آهي ته دنيا پاڪستان جي ڪورونا وائرس جي وبا کي منهن ڏيڻ جي حڪمت عملي جي واکاڻ ڪري رهي آهي، قوم کي انهي عزم سان ان وبا جو مقابلو ڪرڻ لاءِ احتياطي تدبيرن تي عمل جاري رکڻ گهرجي. پنهنجي ٽوئيٽ ۾ هن چيو ته منهنجا پيارا پاڪستانيو توهان غريبن جي سارسنڀال ڪئي، الله کان دعائون گهريون ۽ هاڻي دنيا توهان جي واکاڻ ڪري رهي آهي ۽ ان عالمگير وبا کي منهن ڏيڻ لاءِ پاڪستاني قوم جي قدمن جو اعتراف ڪري رهي آهي، هن چيو ته هڪ اڀرندڙ قوم سان تعلق هجڻ جي ڪري ڪو به توهان کي توهان جي حقيقي عظمت کي حاصل ڪرڻ کان روڪي نٿو سگهي
