کراچی۔ 14 اگست (اے پی پی):گورنر سندھ کا مران خان ٹیسوری اتے وزیراعلیٰ سندھ سید مراد علی شاہ پاکستان دے 76ویں یوم آزادی تے بانی پاکستان قائد اعظم محمد علی جناح دے مزار تے حاضری ݙتی ۔وزیراعلیٰ سندھ سید مراد علی شاہ ، گورنر سندھ کامران ٹسوری دے رلے قائد اعظم دی مزار تے پھلاں دی چادر چڑھائی تے دعا منگی ۔ ترجمان وزیراعلیٰ سندھ موجب وزیراعلیٰ سندھ سید مراد علی شاہ بانی پاکستان قائداعظم محمد علی جناح کوں زبردست خراج عقیدت پیش کیتا۔وزیراعلیٰ سندھ تے گورنر سندھ کامران ٹسوری مزار تے قومی پرچم لہرائے۔مزار قائد تے سکول دے ٻالاں تے سول سوسائٹی دے لوک وی وݙی تعداد اچ موجود ہن ۔وزیراعلی سندھ سید مراد علی شاہ مزار قائد تے مہماناں دی کتاب اچ آپݨے تاثرات وی درج کیتے۔
