اسلام آباد۔13جون(اے پی پی):سمندری طوفان بپر جوائے کمزور تھی تے کیٹیگری 3 دے’’انتہائی شدید سمندری طوفان‘‘ اچ بدل ڳئے ۔ اےطوفان کراچی توں تقریباً 470 کلومیٹر جنوب، ٹھٹھہ توں 460 کلومیٹر جنوب اتے اوماڑہ توں 570 کلومیٹر جنوب مشرق اچ موجود اے ۔ نیشنل ڈیزاسٹر مینجمنٹ اتھارٹی توں منڳل دی سویل جاری کیتی ڳئی تفصیل موجب سمندری طوفان دی سطح تے ہوا چلݨ دی رفتار تقریباً 140-150 کلومیٹر فی گھنٹہ جݙاں جو ایندے مرکز دے نیڑے اے رفتار 170 کلومیٹر فی گھنٹہ تئیں ہے ۔ تازہ ترین پیشن گوئی موجب طوفان دے برقرار رہݨ دی توقع اے۔ 14 جون 2023 دی سویل تئیں ایندا رخ شمال دے پاسے تے ول مشرق آلے پاسے مڑ ونڄݨ دا امکان اے ، ایں توں انڄ 15 جون 2023 دی تریجھے پہر اچ ھک انتہائی شدید طوفان دے طور تے کیٹی بندر (جنوب مشرقی سندھ کوسٹ لائن) اتے بھارتی گجرات دی ساحلی پٹی دے درمیان ٹکراوݨ دا امکان اے ۔ طوفان توں ممکنہ طور تے ٹھٹھہ، بدین، سجاول، تھرپارکر، کراچی، میرپورخاص، عمرکوٹ، حیدرآباد، اوماڑہ، ٹنڈو اللہ یار خان اتے ٹنڈو محمد خان دے علاقے متاثر تھیوݨ دا امکان ظاہر کیتا ڳئے۔
