اسلام آباد – 13 مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته خيبرپختونخواهه سميت سڄي ملڪ جي نوجوانن عمران خان کي ڪامياب ڪري 21 هين صدي جي انقلاب جو بنياد رکي ڇڏيو آهي، وزيراعظم عمران خان جي قيادت ۾ پاڪستان تحريڪ انصاف جي مقبوليت کي ڏسي مسلم ليگ (ن) ۽ پيپلزپارٽي گڏجي ويا آهن ۽ رات جي اونداهي ۾ عمران خان جي خلاف سازشون شروع ڪري ڇڏيون آهن. هو پي اين سي اي ۾ پي ٽي آءِ خيبرپختونخواهه يوٿ ونگ جي ڪنوينشن کي خطاب ڪري رهيو هو.
