اسلام آباد۔18دسمبر (اے پی پی) سپیکر قومی اسمبلی سردار ایاز صادق لانس نائیک محمد محفوظ شہید دے 53 ویں یوم شہادت تے انہاں کوں خراج عقیدت پیش کریندیں ہوئیں آکھیا جو لانس نائیک محمد محفوظ شہید (نشان حیدر) 1971 دی پاک۔بھارت جنگ اچ شجاعت اتے بہادری دی مثال قائم کیتی۔ انہاں جیڑھی شجاعت، دلیری اتے بہادری ݙکھائی اوندی مثال نی ملدی۔ بدھ کوں آپݨے بیان اچ سپیکر قومی اسمبلی سردار ایاز صادق آکھیاجو لانس نائیک محمد محفوظ شہید دی قربانی ہمیشہ تاریخ اچ سنہری لفظاں اچ یاد رکھی ویسی۔ اللہ تعالیٰ لانس نائیک محمد محفوظ سودھے سارے شہداء دے درجات بلند فرماون۔
