اسلام آباد۔6مئی (اے پی پی) وفاقی وزیر اطلاعات تے نشریات مریم اورنگزیب آکھیا جو تساں جو کرݨا ہئی کر ڳھدے ہݨ بس، عمران صاحب ملک اچ آر ٹی ایس ٹھیک تھی ڳے، سلیکٹ تھی تے ولا آوݨ دی سہولت مُک ڳی اے اتے سہولت کار ڳے، بجٹ دی تساں فکر نہ کرو۔ چھݨ چھݨ کوں عمران خان دے بیان تے اپݨے ردعمل اچ انہاں آکھیا جو او حکومت ہݨ کائنا امسی جئیں چار سال معیشت تباہ، مہانگ اتے بے روزگاری کیتی۔ او حکومت ہݨ کائنا امسی جئیں ملک کوں خارجہ محاذ تے کلھا کیتا، سی پیک بند کیتا۔ ملکی ترقی روکی۔ انہاں آکھیا جو ہݨ صرف عوام کیتے بجٹ ٻݨسی، فرح گودی اتے بشرا بیگم کیتے نی۔ ہݨ اٹا کھنڈ بجلی گیس مافیا دا بجٹ نی، عوام دا بجٹ ٻݨسی۔ انہاں آکھیا جو فارن ایجنٹ گھڑی چور نالائق، نااہل دی نہ پہلے منتخب تھی تے حکومت آئی اتے نہ کݙاہیں امسی۔ او حکومت بجٹ ٻݨیندی پی اے جیڑھی منتخب تھی تے آئی اے۔ جئیں پہلے مہانگ ختم کیتی، ملک کوں سستی روٹی، بجلی اتے گیس ݙتی، اساں ملک توں دہشت گردی اتے لوڈ شیڈنگ ختم کیتے جیڑھی تساں واپسی ڳھن آئے۔
