اسلام آباد ۔ 10 دسمبر (اے پی پی) وزیرخارجہ شاہ محمودقریشی مقبوضہ جموں وکشمیراچ انسانی حقوق دیاں مسلسل سنگین پامالیاں نہتے کشمیریاں دے خلاف جرائم دی تحقیقات کیتے اقوام متحدہ دی تحقیقاتی کمیشن دے قیام دا مطالبہ کیتے ۔انہاں اے گال اقوام متحدہ دے انسانی حقوق دے ڈکلیریشن دے 70سال پورے تھیونڑ تے اپنڑے پیغام اچ آکھی ۔وزیر خارجہ آکھیا جو مقبوضہ کشمیر اچ بھارتی قابض فوج ولوں طاقت دے بے رحمانہ استعمال تے انسانی حقوق دیاں منظم پامالیاں دی ہنڑ اقوام متحدہ، اوآئی سی اتے طانوی پارلیمان دے آل پارٹیز گروپ برائے کشمیر وی باضابطہ تصدیق کیتی اے ،ہک ایجھے وقت جڈاں دنیا اچ انسانی حقوق دی بہتری دے ضمن اچ پیشرفت ڈیکھنڑ کوں ملدی پئی اے ،اساکوں کشمیریاں کوں نئی بھلنڑاں چاہیدا ۔وزیر خارجہ آکھیا جو انسانی حقوق دے بین الاقوامی اعلامیے دی سالگرہ دے موقع تے اساکوں مقبوضہ جموں تے کشمیر دے بہادر عوام کوں خراج تحسین پیش کریندوں جیرھے اپنڑے جائز حق خودارادیت کیتے بھارتی وحشت دا مقابلہ کریندے پن ۔
