اسلام آباد۔21جولائی (اے پی پی) وفاقی وزیر داخلہ رانا ثنااللہ خان دعوی کیتا جو پی ٹی ائی دی صف اچ ایجھے لوک ہن جنہاں دے ضمیر زندہ اتے شعور رکھیندن اتے او چوہدری پرویز الہی کوں ووٹ کائنا ݙیسن۔ ماضی اچ عمران خان خود اراکین اسمبلی کوں ڳھن تے منڳے تنڳے دی حکومت ٻݨائی۔ ن لیگ پیسیاں دی سیاست تے لعنت ٻھجیندی اے۔ سیاسی حق دے طور سارے لوکاں نال رابطے اچ ہیسے۔ او خمیس کوں پی آئی ڈی اچ پریس کانفرنس توں خطاب کریندے پئے ہن۔ وزیر داخلہ رانا ثنا اللہ آکھیا جو وفاقی کابینہ اجلاس اچ بئے معمول دے ایجنڈے دے علاوہ چیئرمین نیب دی تقرری تے کابینہ فیصلہ کیتے۔ آفتاب سلطان جتھ جتھ آپݨی خدمات ݙتی، ہک دیانتدار اتے میرٹ تےکم کرݨ آلے آفیسر رہین۔ امید اے جو او آپݨی صلاحیتاں اتے تجربے نال نیب کوں غیرجانبدار اتے احتساب کرݨ آلا ادارہ ٻݨاوݨ اچ کامیاب تھیسن۔
