اسلام آباد۔30جولائی (اے پی پی):وزیر اعظم پاکستان عمران خان دی ہدایات تے پورے ملک اچ محرم الحرام اچ امن و امان دے قیام، بین المسالک و بین المذاہب رواداری اتے علماء و مشائخ دے مسئلیں دے حل کیتے نمائندہ خصوصی وزیر اعظم پاکستان بین المذاہب ہم آہنگی و مشر ق وسطیٰ حافظ محمد طاہر محمود اشرفی رابطے تے ملاقاتاں دا آغاز کرݙتے ۔ ملک دے مختلف شہراں اچ علماء و مشائخ اتے ذمے واراں نال ملاقات ، پاکستان علماء کونسل اتے متحدہ علماء بورڈ دے تعاون توں پیغام پاکستان ضابطہ اخلاق دی توثیق دے نال مکمل عملدر آمد کیتے اقدامات کیتے ویندے پئن ۔ علماء و مشائخ چیئرمین پاکستان علماء کونسل و نمائندہ خصوصی وزیر اعظم پاکستان حافظ محمد طاہر محمود اشرفی کوں پورے ملک اچ بین المسالک و بین المذاہب ہم آہنگی کیتے وزیر اعظم پاکستان عمران خان دے ویژن دی مکمل تائید و حمایت کرݨ دا اعلان کیتے فیصل آباد ، لاہور ، اسلام آباد ، راولپنڈی، کراچی ، پشاور ، کوئٹہ ،آزاد کشمیر ، گلگت بلتستان اچ مختلف مکاتب فکر دے علماء و مشائخ نال ملاقاتاں دے بعد جاری ھک بیان اچ حافظ طاہر محمود اشرفی آکھیے جو پاکستان دشمن قوتاں وطن عزیز پاکستان کوں کمزور کرݨ کیتے فرقہ وارانہ تشدد اتے پاک فوج دے خلاف نفرت کھنڈاوݨ دا منصوبہ بݨا رکھیے جیں کوں علماء و مشائخ اتے پاکستان دی عوام ہمیشہ ناکام بݨائے۔
