ٹانک۔4اگست (اے پی پی) وزیراعظم شہبازشریف زور ݙتا جو سیلاب توں متاثرہ علاقیاں اچ فوری بحالی کیتے اجتماعی کوششاں دی لوڑھ اے، خیبر پختونخواحکومت متاثرین کوں ݙتا ڳیا معاوضہ ودھاوے۔ خیبر پختونخواہ اچ ݙوجھی جماعت دی حکومت ہووݨ دے باوجود صوبائی حکومتاں نال رل تے متاثرین دی خدمت کریندے پیوں۔ ایں مسئلے تے اساݙے اچ کوئی اختلاف کائنی۔ اے پورے پاکستان دا مسئلہ اے۔ ایں تے کوئی سیاست کائنا تھیسی۔ خمیس کوں وزیراعظم شہبازشریف خیبرپختونخوا دے ضلع ٹانک اتے ڈیرہ اسماعیل خان دے سیلاب توں متاثرہ علاقیاں دا دورہ کیتا۔ ایں موقع تے وزیراعظم کوں سیلاب نال تھیوݨ آلے نقصان رتے ریلیف تے بحالی دے کماں بارے ݙسیا ڳیا۔ ڈپٹی کمشنر ٹانک حمیداللہ خان ، وزیراعظم کوں ݙسیا جو فلڈ ریلیف کیمپ اچ خوارک دی فراہمی، صاف پیوݨ دے پاݨی دے علاوہ عارضی چھتاں دی فراہمی یقینی ٻݨائی ڳئی اے۔ وزیراعظم کوں ݙسیا ڳیا جو امدادی کماں اچ ایف سی، پاک فوج ،ریسکیو 1122 اتے پولیس حصہ ڳھدے۔
