اسلام آباد۔31مئی (اے پی پی) وزیر خارجہ بلاول بھٹو زرداری اردن اتے عراق دا دورہ کریسن۔ دفتر خارجہ دی ترجمان ولوں بدھ کوں جاری بیان موجب وزیرخارجہ دورے دے پہلے مرحلے اچ اردن دے شاہی خاندان دی دعوت تے شاہی ٹٻر اچ شادی دی ہک تقریب اچ شرکت کیتے اردن ویسن۔ وزیر خارجہ 5 توں 7 جون تئیں عراق دا دورہ کریسن۔ دورے اچ وزیرخارجہ عراقی قیادت نال ملاقاتاں کریسن اتے اپݨے ہم منصب نال تفصیلی ملاقات کریسن۔ وزیر خارجہ اے دورہ عراق دے نائب وزیر اعظم اتے وزیر خارجہ ڈاکٹر فواد حسین دی دعوت تے کریندے پن۔
