ملتان ۔30جنوری(اے پی پی)وزیرخارجہ مخدوم شاہ محمودقریشی آکھیے جو ڈینیل پرل کیس اچ بری تھیوݨ آلے عمر شیخ کوں امریکہ دے حوالے کرݨ دیاں خبراں کوڑیاں ہین، امریکی وزیرخارجہ انتھونی بلنکن کوں وزیراعظم عمران دی ترجیحات ݙسائن اتے ݙسا ݙتے جو بھارت افغان امن عمل کوں خراب کریندا پئے،ملتان اچ میݙیا نال ڳالھ مہاڑ کریندے ہوئے انہاں آکھیا جو خطے دے منصوبے اوں ویلھے توڑ پڄسن ڄݙاں افغانستان اچ امن ہوسی۔ انہاں آکھیے جو حکومت ہر اوں ادارے نال تعاون کریندی پئی اے جیڑھا کرپٹ عناصر دے خلاف کارروائی کریسی۔ شاہ محمود قریشی آکھیے جو اسامہ بن لادن دی نوازشریف کوں مالی مدد ریکارڈ تے آڳئی اے، سندھ حکوت حالی استعفےنہ ݙیسی، ایندے کیتے استعفیاں دا مناسب ویلھا او ہوسی ڄݙاں 2023 آسی جیندے بعد عوام فیصلہ کریسن جو آندی واری کیکوں چݨدن۔
