لاہور۔19مئی (اے پی پی) وفاقی وزیر اطلاعات، نشریات، قومی ورثہ تے ثقافت عطا اللہ تارڑ آکھیا جو بشکیک اچ حالات معمول تے آڳئن، ہک سیاسی جماعت کرغزستان واقعے کوں غلط رنگ ݙیندی پئی اے، ہلاکتاں دی جعلی تصویراں کھنݙاوݨ آلے اللہ توں ݙرن۔ اے ڳالھیں انہاں آݙت وار کوں ماڈل ٹآؤن اچ نائب وزیراعظم اتے وزیر خارجہ اسحاق ڈار اتے وفاقی وزیر امور کشمیر انجینئر امیر مقام دے رلے پریس کانفرنس توں خطاب کریندیں ہوئیں آکھی۔ وفاقی وزیر اطلاعات آکھیا جو بشکیک اچ ݙو طلبہ گروپاں وچال تصادم تھیا تاں پاکستانی طلبہ وی ایں تصادم دی زد اچ آڳئے۔ جݙاں واقعہ تھیا تاں وزیراعظم آفس اتے دفتر خارجہ فوری حرکت اچ آئے اتے حکومت ویلھے تے نوٹس ڳھندیں ہوئیں وزارت خارجہ اچ ایمرجنسی رسپانس سیل فعال کیتا۔
