راولپنڈی۔8مارچ (اے پی پی) پاک فوج دے سربراہ جنرل سید عاصم منیر آکھیا جو بلوچستان دی کامیابی پاکستان دی کامیابی اے، بلوچستان دے بہادر لوکاں تے فخر اے۔ اے بہادر ہر اوکھ اچ ثابت قدمی نال ݙٹیے رہن۔ مسلح فوج اتے قانون نافذ کرݨ آلے ادارے عوام نال رل تے امن تے خوشحالی دا پندھ جاری رکھیسن۔ آئی ایس پی آر موجب آرمی چیف جنرل سید عاصم منیر بلوچستان دے ضلع آواران دا دورہ کیتا، کور کمانڈر بلوچستان آرمی چیف دا استقبال کیتا اتے انہاں کوں سکیورٹی دی صورتحال تے بریفنگ ݙتی۔ آرمی چیف جنرل سید عاصم منیر آپݨے دورے اچ شہداء دے ٹٻراں، مقامی عمائدین اتے کساناں نال وی ڳالھ مہاڑ کیتی۔
