اسلام آباد۔15جنوری (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی آکھیا جو الیکشن کمیشن 8 فروری کوں انتخابات دے آپݨے وعدے اتے عزم تے قائم اے، وفاقی تے صوبائی نگران حکومتاں ایں ذمہ واری کوں نبھاوݨ اچ الیکشن کمیشن دی انتظامی، مالی اتے سکیورٹی دی لوڑھ پوری کریسن۔ اے ڳالھ انہاں سنوار کوں سماجی رابطے دے پلیٹ فارم ”ایکس“ تے آپݨے ٹویٹ اچ آکھی۔ انہاں آپݨے ٹویٹ اچ سینیٹ توں منظور تھیوݨ آلی قرارداد نمبر 562 بارے الیکشن کمیشن آف پاکستان ولوں سینیٹ سیکرٹریٹ کوں لکھیا خط وی شیئر کیتا۔
