اسلام آباد۔10اپریل(اے پی پی):سینیٹ نے قومی اسمبلی تے چارے صوبائی اسلمبیاں دے الیکشن ھکے ویلھے کراوݨ دی منظوری ݙے ݙتی ۔ سینیٹ دے اجلاس اچ سینیٹر طاہر بزنجو، عبدالغفور حیدری اتے فیصل سبزواری اتے ٻئے ارکان قواعد معطل کرݨ تے قرارداد پیش کرݨ دی تحریک پیش کیتی ۔ ایوان تحریک دی منظوری ݙتی جیں دے بعد سینیٹر طاہر بزنجو قراردادپیش کیتی ۔ قرارداد اچ آکھیا ڳئے جو معاشی استحکام کیتے سیاسی استحکام ضروری اے ، ملک مزید سیاسی عدم استحکام دا متحمل نی تھی سڳدا ۔ پنجاب ملک دی آبادی دے لحاظ نال ساریں توں وݙا ملک اے جتھاں قومی اسمبلی دی ساریں توں ودھ سیٹاں ہن ، پنجاب اچ پہلے انتخابات توں ٻئے چھوٹے صوبیں تے منفی اثرات پوسن ۔ محاذ آرائی دی بجائے سیاسی استحکام دی لوڑھ کیتے قومی اسمبلی تے چاروں صوبائی اسمبلیاں دے ھکے ویلھے الیکشن کرائے ونڄݨے چاہیدن ۔ قومی اتے صوبائی اسمبلیاں دے کٹھے انتخابات نال وفاق مضبوط تھیسی ۔ ایوان کثرت رائے نال قرارداد دی منظوری ݙے ݙتی۔
