اسلام آباد۔25نومبر (اے پی پی) وزیراعظم محمد شہباز شریف پاکستان ٹیلی ویژن اتے فلم دے مقبول اداکار اسماعیل تارا دے انتقال تے ݙکھ تے افسوس کیتے۔ جمعے کوں اپݨے تعزیتی بیان اچ وزیراعظم شہباز شریف مرحوم اسماعیل تارا دے ٹٻر نال تعزیت کریندیں ہوئیں مرحوم دے درجات دی بلندی کیتے دعا کیتی۔ وزیراعظم آکھیا جو مرحوم اسماعیل تارا مزاحیہ اداکاری اچ وکھرا مقام رکھدے ہن۔ خصوصی طور پاکستان ٹیلی ویژن دے پروگرام ففٹی ففٹی اچ انہاں دی ادارکاری یاد رہسی اتے انہاں دی خدمات یاد رکھی ویسن۔
