اسلام آباد۔15مئی (اے پی پی) وزیراعظم شہباز شریف دی پشاور اچ سکھ برادری توں تعلق رکھݨ آلے ݙو پاکستانیاں دے قتل دی مذمت کریندیں ہوئیں آکھیا جو وزیر اعلیٰ خیبرپختونخوا شہریاں خصوصی طور غیر مسلم پاکستانیاں دے جان تے مال دے تحفظ کوں یقینی ٻݨاوݨ کیتے اقدامات کرن۔ رنجیت سنگھ اتے کنول سنگھ دے قاتلاں کوں جلدی گرفتار کر تے قانون دے مطابق سخت سزا ݙتی ویسی۔ وزیر اعظم آفس دے میڈیا ونگ توں جاری بیان موجب وزیراعظم محمد شہباز شریف آکھیا جو دہشت گردی دے پچھوں پاکستان دشمنی اے، ایجھے دشمناں کوں صفحہ ہستی توں مٹا ݙیسوں۔ انہاں رنجیت سنگھ اتے کنول سنگھ دے ٹٻراں نال دلی ہمدردی اتے تعزیت کیتی۔
