راولپنڈی۔17اپریل (اے پی پی) وفاقی وزیر اطلاعات تے نشریات چوہدری فواد حسین آکھیا جو ملک اچ فساد پاوݨ اتے فتنہ پاروں پاکستان دی حکومت خود ٹی ایل پی تے پابندی لاوݨ دا فیصلہ کیتے۔وفاق نال سارے صوبائی حکومتاں ،پولیس اتے سکیورٹی فورسز فوری کاروائی کر تے ثابت کر ݙتے جو ریاست دی رٹ کوئی وی چیلنج نی کر سڳدا، رانا ثناء اللہ ،الطاف حسین اتے انتہا پسند جماعت دی زبان الیندے پئن، افسراں اتے اداریاں دے خلاف ایجھی زبان استعمال کرݨ تے رانا ثناء اللہ دے خلاف دہشت گردی دفعات دے تحت مقدمہ درج کیتا ویسی۔ وزیراعظم عمران خان وی ایں گالھ تے متفق ن جو اساݙے نظام اچ اتنا ویلھا لڳ ویندے جو انصاف تھیندا نظر نی امدا، ہݨ سیاست انتخابی مہم آئین اتے قانون دے دائرے اچ رہ کراہیں کیتی ونڄ سڳسی۔ او ہفتے کوں ڈسٹرکٹ ہیڈکوراٹر ہسپتال راولپنڈی اچ کالعدم جماعت ٹی ایل پی اجتجاج اچ زخمی تھیوݨ آلے پولیس نینگراں دی عیادت دے بعد میڈیا نال ڳالھ مہاڑ کریندے پئے ہن۔ وزیراعظم دے معاون خصوصی شہباز گل ، پاکستان تحریک انصاف دے جنرل سیکرٹری عامر کیانی دے علاوہ کمشنر راولپنڈی سید گلزار شاہ ، ڈی سی راولپنڈی کیپٹن (ر) انورالحق ، آر پی او عمران احمر ، پرنسپل الائیڈ ہاسپٹلرز ڈاکٹر عمرسودھے انتظامی حکام وی موجود ہن۔ وفاقی وزیر اطلاعات چوہدری فواد حسین ڈی ایچ کیو ہسپتال اچ زیر علاج پولیس جواناں دی عیادت کیتی اتے انہاں کوں وزیراعظم عمران خان دا سنیھا ݙتا جو پوری حکومت پولیس اتے سکیورٹی فورسز نال کھڑی اے۔
