اسلام آباد۔18اگست(اے پی پی)وفاقی وزیر اطلاعات و نشریات عطاء اللہ تارڑ آکھیے ج?? ایف آئی اے ”اے پی پی“ کرپشن کیس اچ ݙو ݙینھ پہلے ایف آئی آر درج کیتی، تفصیلی انکوائری دے بعد جرم دی سنگینی اتے قانونی حیثیت دی تصدیق کیتی ڳئی، بدعنوانی اچ ملوث عناصر بحالی کیتے سفارشاں اتے سیاسی دباؤ دی کوشش کیتی ٻھل ایندے باوجود ایم ڈی اے پی پی بدعنوانی نال تکڑے طریقے نال نبڑݨ کیتے فیصلہ کن قدم چاتے، ذاتی طور تے ایف آئی اے نال رابطے اچ ہاں، کہیں وانڄھ دے بغیر سخت کارروائی کیتی ویسی، سبسڈی دی واپسی دے بعد پی ٹی وی ??وں مالی چیلنج ہین، وزارت مقامی سطح تے پیداواری صلاحیتاں کوں ودھاوݨ دے طریقے ڳولیندی پئی اے، پاکستان وݙی کرکٹ سیریز دی تیاری اتے نشریات کیتے غیر ملکی کمپنیاں تے انحصار کریندے، غیر ملکی کیمریاں، پروڈیوسراں اتے کمنٹیٹراں دیاں خدمتاں حاصل کرݨ اچ ٻہوں اخراجات چاوݨے پوندن، پی ٹی وی سپورٹس دی ریٹنگ نجی سپورٹس چینلاں توں ݙو ڳݨا ودھ اے، پی ٹی وی تے اپوزیشن جماعتاں کوں مکمل کوریج ݙتی ویندی اے، سیاسی نمائندیاں اتے تجزیہ کاراں کوں پروگراماں اچ سݙیا ویندے، انہاں پروگراماں اچ ترمیم ??ا سنسر نئیں کیتی ویندی۔ اے ڳالھ انہاں پیمرا ہیڈ کوارٹرز اسلام آباد اچ قومی اسمبلی دی قائمہ کمیٹی برائے اطلاعات و نشریات دے اجلاس اچ ڳالھ مہاڑ کریندے آکھی۔ اجلاس اچ مختلف ایجنڈے تے ڳالھ مہاڑ تھئی جیندے اچ پیمرا کونسل آف کمپلینٹس دی تشکیل تے بریفنگ، ”پاکستان الیکٹرانک میڈیا ریگولیٹری اتھارٹی (ترمیمی) بل 2025ء)، (پرائیویٹ ممبرز بل) تے ذیلی کمیٹی دی سفارشاں تے پیمرا دی بریفنگ، ویب ٹی وی اتے اوور دی ٹاپ (او ٹی ٹی) پلیٹ فارمز دا ضابطہ، پیمرا لائسنس ݙیوݨ آلیاں دی کارپوریٹ سماجی ذمے واری اتے تجارتی و غیر تجارتی ایف ایم ریڈیو لائسنساں دی ریگولیشن شامل ہن۔ رکن قومی اسمبلی سحر کامران ایسوسی ایٹڈ پریس آف پاکستان (اے پی پی) اچ کرپشن دے وݙے سکینڈل دا سوال چاتے جیںدے تے وفاقی وزیر اطلاعات و نشریات عطاء اللہ تارڑ کمیٹی کوں ݙسایا جو وفاقی تحقیقاتی ایجنسی (ایف آئی اے) ݙو ݙینھ پہلے ایں کیس تے فرسٹ انفارمیشن رپورٹ (ایف آئی آر) درج کیتی اے جیندے اچ تفصیلی انکوائری دے بعد جرم دی سنگینی اتے قانونی حیثیت دی تصدیق تھئی۔ انہاں آکھیے ج?? بدعنوانی اچ ملوث عناصر اپݨی بحالی کیتے سفارشاں اتے سیاسی دباؤ دی کوشش کیتی، ایف آئی اے دا عمل پولیس دی معمول دی شکایتاں توں مختلف اے جیندے اچ قابل شناخت جرم دے تعین کیتے مکمل تحقیقات دی لوڑھ ہوندی اے، میں آپ ایف آئی اے نال رابطے اچ ہاں تاں جو کہیں وانڄھ دے بغیر سخت کارروائی کیتی ونج سڳے۔ مبینہ طور تے کئی بااثر شخصیات سیاسی رابطیاں دے ذریعے ایں عمل اچ جوڑ توڑ دی کوشش کیتی ٻھل انہاں کوششاں کوں ناکام بݨا ݙتا ڳیا۔ وفاقی وزیر اطلاعات منیجنگ ڈائریکٹر ایسوسی ایٹڈ پریس آف پاکستان (اے پی پی) محمد عاصم کھچی دی دیانتداری اتے لگن دی تعریف کیتی اتے آکھیے ج?? دباؤ دے باوجود انہاں بدعنوانی دے خلاف فعال طور تے فیصلہ کن قدم چاتے۔ احتساب اتے شفافیت کیتے وزارت اتے ایف آئی اے رابطے اچ ہین اتے ایں سانڳے تحقیقات جاری ہن۔ عطاء اللہ تارڑ ٹیلی ویژن چینلاں دی ”کارپوریٹ سماجی ذمے واری“ بارے آکھیے ج?? ودھ توں ودھ عوامی خدمت دے پیغامات ادھی رات دے بعد ریگولیٹری تقاضے پورے کرݨ کیتے نشر کیتے ویندن جݙاں جو ݙیکھݨ دے اوقات کار ادا شدہ اشتہاراں کیتے مخصوص کیتے ڳئن، ودھ توں ودھ عوامی اثر کیتے اینجھے پیغامات ݙینھ ویلھے نشر کیتے ونڄن۔ وفاقی وزیر سبسڈیز دی واپسی دے بعد پی ٹی وی ??وں درپیش مالی چیلنجاں بارے آکھیے ج?? وزارت مقامی پیداواری صلاحیتاں کوں ودھارا ݙیوݨ دے طریقے لٻھدی پئی ??ے۔ پاکستان وݙی کرکٹ سیریز دی تیاری اتے نشریات کیتے غیر ملکی کمپنیاں تے انحصار کریندے، غیر ملکی کیمریاں، پروڈیوسراں اتے کمنٹیٹراں دیاں خدمتاں کیتے ٻہوں اخراجات چاوݨے پوندن، پی ٹی وی سپورٹس دی ریٹنگ نجی سپورٹس چینلاں توں ݙو ڳݨا ودھ اے، پی ٹی وی اپوزیشن جماعتاں کوں مکمل کوریج ݙیندا پ??ے جیندے اچ سارے سیاسی نمائندیاں اتے تجزیہ کاراں کوں پروگراماں اچ سݙیا ویندے، انہاں پروگراماں اچ ترمیم ??ا سنسر نئیں کیتی ویندا۔ وفاقی وزیر صوبائی حکومتاں اتے پریس انفارمیشن ڈیپارٹمنٹ ولوں اشتہاراں اچ ودھارے دی کوششاں دا حوالہ ݙیندے ریونیو جنریشن اچ حالیہ پیشرفت دا ذکر کیتا۔ انہاں اداریاں کوں خط بھیجے ڳئن جیندے اچ آکھیا ڳ??ے جو او سرکاری ٹیلی ویژن تے مزید اشتہارات مختص کر تے اپݨی قومی ذمے واری پوری کرن ٻھل انہاں آکھیے ج?? گزریل ݙو ݙہاکیاں اچ ساریں توں وݙے چیلنجاں اچوں ہک کمزور مارکیٹنگ اتے سیلز اے جئیں پاروں براڈکاسٹر، ݙیکھݨ آلیاں اتے آمدنی تے منفی اثر پئے۔ عطاء اللہ تارڑ آکھیے ج?? جدت اتے افرادی قوت دی معقولیت براڈکاسٹر دے مستقبل کیتے ضروری اے، پی ٹی وی ہوم کوں آئوٹ سورس کرݨ تے غور کیتا ویندا پ??ے جݙاں جو پی ٹی وی ورلڈ جدید نشریاتی معیاراں تے پورا لہݨ کیتے مکمل طور تے نویں سرے توں کم کریندا پئے ۔ وفاقی وزیر کمیٹی توں اپیل کیتی جو او پی ٹی وی دی تنظیم نو تے غور کرے۔ ملازماں دی فلاح و بہبود بارے وفاقی وزیر آکھیے ج?? پی ٹی وی اچ میرٹ دی بنیاد تے اصلاحات گھن آئیاں ویندیاں پین اتے تنخواہواں اتے پنشن دی بروقت ادائیگی کوں یقینی بݨاوݨ دی کوشش کیتی ویندی پئی ??ے۔ انہاں آکھیے ج?? پی ٹی وی دی بحالی ہر کہیں دے مفاد اچ اے کیوں جو اے صرف ہک ادارہ نئیں ٻھل ساݙی قومی سنڄاݨ دا حصہ ??ے۔ انہاں یقین ݙیوایا جو وزارت ایکوں ہک منافع بخش اتے پائیدار براڈکاسٹر بݨاوݨ کیتے پرعزم ??ے۔ اجلاس اچ وزارت اطلاعات و نشریات دے حکام کمیٹی کوں ݙسایا جو پی ٹی وی دی 35 روپے دی لائسنس فیس ختم تھیوݨ نال مالیاتی چیلنج آئے ٻھل وزیر اعظم دی ہدایت تے فنانس ڈویژن سالانہ 11 ارب روپے ݙیوݨ دا وعدہ کیتے جیکوں سہ ماہی بنیاداں تے جاری کیتا ویسی۔ انہاں یقین ݙیوایا جو پی ٹی وی دے مالیاتی نظام دا جائزہ ڳھدا ویندا پئے۔ چیئرمین کمیٹی پُلین بلوچ ہدایت کیتی جو آندے اجلاس اچ ملازماں دی تنخواہواں دے حوالے نال جامع بریفنگ ݙتی ونجے۔ کمیٹی پیمرا ترمیمی بل 2024ء تے ذیلی کمیٹی دی سفارشاں تے وی ??الھ مہاڑ کیتی۔ چیئرمین پیمرا سلیم بیگ آکھیے ج?? اتھارٹی پروڈیوسراں اتے سٹیک ہولڈرز نال مشورے دے بعد تجاویز نال متفق اے، حد توں ودھ سنسر شپ تنوع کوں محدود کر ݙیسی۔ ایم این اے آسیہ ناز تنولی آکھیے ج?? ایںدا مقصد مکمل پابندیاں لاوݨ نئیں بلکہ میڈیا اچ سماجی حقیقتاں دی عکاسی کوں یقینی بݨاوݨ ??ے۔ انہاں پیمرا دی کونسل آف کمپلینٹس اچ ایڈورٹائزنگ سیکٹر دے نمائندے کوں شامل کرݨ دی تجویز ݙتی۔ کمیٹی ویب ٹی وی اتے او ٹی ٹی پلیٹ فارم کوں ریگولیٹ کرݨ دا معاملہ وی ??اتا۔ پیمرا حکام وضاحت کیتی جو رولز کوں حتمی شکل ݙیوݨ باقی ہے اتے ایں ویلھے تئیں اینجھے پلیٹ فارمز کوں ریگولیٹ نئیں کیتا ونڄ سڳدا۔ چیئرمین پیمرا آکھیے ج?? قوانین دا مسودہ کابینہ کمیٹی برائے قانون سازی کیسز (سی سی ایل سی) دے کولو ??ے۔ ایں موقع تے سیکرٹری اطلاعات ݙسایا جو قواعد کوں سی سی ایل سی بہتری کیتے واپس بھیج ݙتا ہئی اتے ایںدے بعد ول جمع کر ݙتا ڳئے۔ انہاں وضاحت کیتی جو وزارت اطلاعات ایںدی منظوری ݙیوݨ دی مجاز اتھارٹی نئیں، تہوں نظرثانی شدہ مسودہ وفاقی کابینہ دے سامݨے پیش کرݨ توں پہلے کلیئرنس کیتے سی سی ایل سی کولو ول ویسی، درست ٹائم فریم ایں ڳالھ تے منحصر اے ج?? سی سی ایل سی اپݨے تحفظات دور کرݨ اچ کتنا ویلھا ڳھندی ??ے۔ وزارت پیشرفت کوں یقینی بݨاوݨ کیتے سرگرمی نال پیروی ??ریندی پئی اے جݙاں جو حتمی منظوری دا اختیار کابینہ کولو ??ے۔ اجلاس خیبر پختونخوا اچ حالیہ سیلاب اچ جاں بحق تھیوݨ آلیاں کیتے فاتحہ خوانی وی ??یتی ڳئی۔ اجلاس اچ وزیر اطلاعات و نشریات عطاء اللہ تارڑ، ایم این ایز ندیم عباس، کرن عمران ڈار، آسیہ ناز تنولی، مہتاب اکبر راشدی، سحر کامران، سید امین الحق، محمد معظم علی خان، سیکرٹری وزارت اطلاعات و نشریات، عنبرین جان (ایس آئی)، پارلیمانی سیکرٹری برائے اطلاعات و نشریات بیرسٹر محمد دانیال چوہدری، چیئرمین پیمرا محمد سلیم بیگ اتے ٻئے محکمیاں دے افسراں شرکت کیتی۔
