اسلام آباد۔ 7 ستمبر (اے پی پی) قازقستان دے نائب وزیراعظم اتے وزیر خارجہ مرات نورتیلو 8 توں 9 ستمبر تئیں پاکستان دا سرکاری دورہ کریسن۔ ترجمان دفتر خارجہ توں جاری بیان موجب اے اہم دورہ قازقستان دے صدر دے ایں سال نومبر وچ طے شدہ دورہ پاکستان توں پہلے تھیندا پئے ۔ قازقستان دے نائب وزیراعظم دے رلے قازقستان دے وزیر ٹرانسپورٹ سودھے اعلیٰ سطح دا 13 رکنی وفد وی ہوسی۔ دورے دے موقع تے زراعت اتے آئی ٹی تے سانجھے ورکنگ گروپس دے اجلاس وی تھیسن۔ پاکستان وچ قیام دے دوران قازقستان دے نائب وزیراعظم اتے وزیر خارجہ نائب وزیراعظم اتے وزیر خارجہ سینیٹر محمد اسحاق ڈار نال ملاقات کریسن جیندے بعد وفداں دی سطح تے ڳالھ مہاڑ تھیسی۔ مرات نورتیلو دی صدر مملکت اتے وزیراعظم نال وی ملاقات متوقع اے۔ اے ڳالھ مہاڑ آوݨ آلے صدارتی دورے دی تیاری دا جائزہ گھنݨ اتے پاکستان قازقستان ݙو طرفہ تعاون دے سارے پہلواں تے مکمل ڳالھ مہاڑ کرݨ دا موقع ݙیسی۔
.jpg)
