بیجنگ۔4ستمبر(اے پی پی)وفاقی وزیر اطلاعات و نشریات عطا اللہ تارڑ وزیراعظم شہباز شریف دے دورہ چین کوں وݙی اہمیت آلا قرار ݙیندے آکھیے جو ایں دورے نال پاکستان اتے چین دے تعلقات نویں اتے بے مثال بلندیاں تئیں پڄ ڳئن۔ ݙوجھی پاک چین بی ٹو بی انویسٹمنٹ کانفرنس دے افتتاحی اجلاس دے بعد میڈیا نال گالھ مہاڑ کریندے وفاقی وزیر اطلاعات آکھیا جو وزیراعظم شہباز شریف دی قیادت اچ حکومت سی پیک 2.0 دی ترقی کوں پہلی ترجیح ݙیندی پئی اے۔ ??نہاں واضح کیتا جو سی پیک دے ݙوجھے مرحلے دا محور بی ٹو بی شراکت داری، پاکستان اچ صنعتی ترقی، علاقائی رابطیاں اچ وادھا اتے قراقرم ہائی وے (کے کے ایچ) دی از سر نو تعمیر و توسیع اے۔ ??ئی ٹی اتے معدنیات دے شعبیاں اچ م??قع کوں اڳونہا کریندے ہوئیں وفاقی وزیر اطلاعات مصنوعی ذہانت تے مبنی ترقی دی اہمیت تے زور ݙتا۔ انہ??ں آکھیا جو وزیراعظم چین دے صدر شی جن پنگ کیتے ٻہوں احترام رکھدن اتے انہاں کوں آپݨا رول ماڈل سمجھدن جݙاں جو دورہ چین اچ چینی قیادت دے نال تھیوݨ آلیاں ملاقاتاں ٻہوں خوشگوار اتے پرخلوص رہین۔ انہ??ں آکھیا جو ڄڳ فیکھ ڳھدے جو پاک چین ہر موسم دی سٹریٹجک پارٹنر شپ پہاڑ آلی کار تکڑی اے، ساکوں ماݨ اے جو اساکوں “آئرن برادرز” آکھیا ویندے، اے رشتہ ساݙے عوام کیتے حقیقی طور تے باعث تحریک اے۔ ??ی پیک 2.0 دے تحت نینگراں کوں بااختیار بݨاوݨ دے حوالے نال وزیر اطلاعات عوامی سطح تے رابطیاں دی اہمیت اتے چین دے ٻئے نینگراں کوں پاکستان دا دورہ کرݨ تے زور ݙتا۔ انہاں چینی سوشل میڈیا انفلؤنسرز کوں سݙا ݙتا جو او پاکستان دی ثقافت، آئی ٹی دے شعبے اتے ودھ سیاحتی امکانات کوں ??یڑ?? توں ݙیکھن اتے اڳونہا کرن۔ وفاقی وزیر اطلاعات آکھیا جو پاک چین دوستی اساݙی ثقافت اچ رڄھی ہوئی اے، اے رشتہ واقعی اساݙے خون دا حصہ اے۔ ??نہاں اعلان کیتا جو پاکستان دا نینگراں تے مشتمل ہک وفد تیکھے چین دا دورہ کریسی تاں جو نویں نسلاں وچال ݙو طرفہ تعلقات کوں ٻیا مضبوط بݨایا ونڄے۔ ??طا اللہ تارڑ آکھیا جو “پاکستان اتے چین وچال ݙو طرفہ تجارت تیکھی ودھدی پئی اے، پاکستانی صنعتکار چینی منڈی تئیں رسائی دے چاہندن جݙاں جو چینی کاروباری ادارے پاکستان اچ م??قع ڳولیندے پئن۔ انہ??ں آکھیا جو ݙوہاں ملکاں دیاں منڈیاں ہک ݙوجھے کیتے کھلیاں ہین، چینی صنعتاں کیتے پاکستان اچ کارخا??ے ٻݨاوݨ اتے ایکوں برآمدات دے مرکز دے طور تے استعمال کرݨ دے ودھ امکانات موجود ہن۔ سانجھے منصوبیاں، سرمایہ کاری اتے بزنس ٹو بزنس رابطیاں نال اس??ں آپݨے تعاون کوں ودھا سڳدے ہیں۔
