اسلام آباد۔23اگست (اے پی پی) وفاقی وزیر داخلہ محسن نقوی کیپیٹل ڈویلپمنٹ اتھارٹی (سی ڈی اے) ہیڈ کوارٹرز اچ ہک اعلیٰ س??ح دے اجلاس دی صدارت کریندیں وفاقی دارالحکومت کیتے وݙے ترقیاتی اقدامات دی منظوری ݙتی اے۔ سی ڈی اے ہیڈ کوارٹر اچ منعقدہ اجلاس دے دوران نویں ٹریفک انفراسٹرکچر توں گھن تے ہاؤسنگ سیکٹر دی اپ گریڈیشن اتے مہمان نوازی دے منصوبیں دا جائزہ گھدا ڳیا جیں دا مقصد شہری مسئلیں کوں گھٹ کرݨ اتے رہائشیاں کیتے شہری سہولتاں کوں بہتر بݨاوݨ اے۔ اجلاس اچ کیتے ڳئے اہم فیصلیں اچ ٹی چوک تے فلائی اوور اتے شاہین چوک تے انڈر پاس دی تعمیر وی شامل اے جیں دا سنگ بنیاد ستمبر دے شروع اچ رکھیا ویسی۔ وفاقی وزیر تجاوزات دے ??لا?? شہر بھر اچ آپریشن دا حکم ݙیندیں زور ݙتا جو غیر قانونی عمارتاں کوں ہٹاوݨ اچ کوئی نرمی نہ کیتی ویسی۔ انہاں ایس ایس پی آپریشنز، اے ڈی سی جی اتے ڈائریکٹر ڈی ایم اے سودھے سینیئر حکام کوں ذمہ داری ݙیندے متاثرہ سیکٹرز کوں کلیئر کرݨ کیتے 30 ستمبر دی آخری تاریخ مقرر کیتی اے۔ اجلاس دے دوران ہاؤسنگ سوسائٹیاں کوں وی خبردار کیتا ڳیا جو ضوابط تے سختی نال عمل کرن نتاں تادیبی کاروائی دا سام??ا کرݨا پوسی۔ اجلاس اچ ڈپلومیٹک انکلیو اپ گریڈیشن پراجیکٹ دے فیز ون دی وی منظوری ݙتی ڳئی جیں اچ کانسٹی ٹیوشن ایونیو، نیڑے دیاں سڑکاں، باؤنڈری وال، سائیکلنگ ٹریک اتے پارک توں مین انٹری وغیرہ وی شامل ہن۔ ایں موقع تے ݙوجھے منصوبیں دا جائزہ گھدا ڳیا جنہاں اچ زائرین کیتے دامن کوہ دی ول تشکیل، زیر تعمیر سیکٹرز C-14، C-15، اتے C-16 تے کم کوں جلدی کرݨ اتے سیکٹرز E-12 اتے I-12 اچ بہوں ویلھے توں رکاوٹ دا شکار تھیوݨ آلے ترقیاتی کم کوں جلدی کرݨ شامل اے تاں جو قبضہ الاٹیاں دے حوالے کیتا ونڄ سڳے۔ محسن نقوی سی ڈی اے کوں ہدایت کیتی جو “نویں سیکٹرز C-13، D-13، E-13 اتے F-13 کیتے ہک جامع ترقیاتی منصوبہ تیار کیتا ونڄے۔ انہاں اسلام آباد اچ ݙو نویں فائیو سٹار ہوٹلاں دی تعمیر دے حوالے نال کم مکمل کرݨ کیتے 31 دسمبر دی ڈیڈ لائن وی مقرر کیتی۔ اجلاس کوں ݙتی ڳئی بریفنگ موجب ماڈل جیل منصوبے دے پہلے مرحلے تے کم جاری اے جو جلدی مکمل تھی ویسی جݙاں جو کیپیٹل ہاؤس دے قیام کیتے وی جاہ مختص کر ݙتی ڳئی اے۔ اجلاس اچ سی ڈی اے دے چیئرمین محمد علی رندھاوا، سی ڈی اے ممبران، ایس ایس پی آپریشنز، اے ڈی سی جی اتے ݙوجھے اعلیٰ حکام شرکت کیتی۔
.jpg)
