اسلام آباد۔9مارچ (اے پی پی):وفاقی وزیر منصوبہ بندی، ترقی او اصلاحات پروفیسر احسن اقبال ہدایت کیتی اے جو انفارمیشن ٹیکنالوجی دے تحت جاری ترقیاتی منصوبے جیڑھے جو تکمیل دے نیڑے ہن انہاں کوں چوتھی واری ترائے مہینے اچ درکار فنڈز ݙے تے وختی مکمل کیتا ونڄے، ، انفارمیشن ٹیکنالوجی پارک وی قائم کیتے ویسن اے ہدایت وفاقی وزیر منصوبہ بندی و ترقی و اصلاحات خمیس کوں اتھاں وزارت انفارمیشن ٹیکنالوجی دے تحت جاری ترقیاتی منصوبیں اچ پیش رفت جائزہ اجلاس دی صدارت کریندے ہوئیں جاری کیتن۔ اجلاس اچ سیکرٹری وزارت انفارمیشن ٹیکنالوجی، نیشنل انفارمیشن ٹیکنالوجی بورڈ، پنجاب انفارمیشن ٹیکنالوجی بورڈ اتے سپیشل کمیونیکیشن آرگنائزیشن دے اعلی حکام،سول ایوی اشن ، گوادر پورٹ اتھارٹی اتے وزارت منصوبہ بندی دے حکام شرکت کیتی۔ وزارت انفارمیشن ٹیکنالوجی دے حکام ترقیاتی منصوبیں تے بریفنگ ݙتی اجلاس اچ فیصلہ کیتا ڳئے جو مارچ دے چھیکڑ اچ انہاں منصوبیں دا ھک تفصیلی جائزہ ڳھدا ویسی تاں جو فورتھ کوارٹر دے فنڈز جاری کیتے ونڄ سڳن۔
">