لاہور۔22اگست (اے پی پی) وزیراعلیٰ پنجاب مریم نواز شریف آکھیے جو مذہبی تعصب دی بنیاد تے ظلم سہݨ آلے مظلوماں دے نال اوں ، دین اسلام محبت، امن اتے رواداری دا درس ݙیندے، ہر سطح تے مذہبی رواداری اتے سانجھے احترام دا ودھارا ساݙا عزم اے۔ عقیدے اتے مذہب دی بنیاد تے تشدد اتے نفرت دا نشانہ بݨݨ آلے لوکاں دے عالمی ݙینھ دے موقع ت?? جاری آپݨے ہک پیغام اچ انہاں آکھیے جو ساݙی ہمدردی مذہب تعصب دی بنیاد تے ظلم سہݨ آلے مظلوماں دے نال اے، اسلاموفوبیا ??نی?? اچ ہک کوڑی حقیقت اے، مسیتاں تے حملے، حجاب پاوݨ آلی تریمتاں تے پابندیاں اتے مسلماناں کوں دہشت گردی نال جوڑݨ دی عادت انسانیت کیتے ہک نشان اے۔ وزیراعلیٰ پنجاب آکھیے جو فلسطین دی زمین شہیداں دے خون نال رَتی اے، نشوم ٻالاں دیاں آہواں گولیاں دی گاج اچ دفن تھیندیاں پئن، کشمیر دیاں وادیاں اڄ وی صدیاں پراݨے ݙُکھاں نال لہو لہان ہن، کشمیر اتے غزہ انسانیت دے ضمیر تے سوال ہن جنہاں دا جواب عالمی برادری حالی تئیں ݙیوݨ توں قاصر اے۔ انہاں مزید آکھیے جو ہمیشہ ہر ایں مظلوم دے نال کھڑوں جو مذہبی بنیاداں تے ظلم و زیادتی دا شکار تھیند?? پئن، دین اسلام محبت، امن اتے رواداری دا درس ݙیندے، ہر مظلوم دے نال ہیسے اتے رہسوں، ہر سطح تے مذہبی رواداری اتے سانجھے احترام دا ودھارا ساݙا عزم اے۔
.jpg)
.jpg)
