اسلام آباد۔22اکتوبر (اے پی پی) پاکستان غزہ اچ قابض اسرائیلی فوج دے نویں حملیاں دی شدید مذمت کیتی جئیں اچ اچ کئی انسانی جاناں ضائع تھیاں۔ ترجمان دفتر خارجہ ولوں بدھ کوں جاری بیان اچ آکھیا ڳیا جو اِیجھے اقدامات شرم الشیخ اچ مسلم اتے عرب دنیا، امریکہ، یورپ اتے اقوام متحدہ دی قیادت دی موجودگی اچ تھئے ڳئے امن معاہدے دی روح دے خلاف ہن۔ ترجمان عالمی برادری تے زور ݙتا جو او ایں خلاف ورزیاں دے خاتمے کیتے مؤثر اقدامات کرے اتے جنگ بندی تے پورا عملدرآمد اتے فلسطینی شہریاں دے تحفظ کوں یقینی بݨاوے۔ انہاں فلسطینی عوام کیتے پاکستان دی غیر متزلزل حمایت دا اعادہ کیتا اتے اسرائیلی کارروائیاں کوں ختم کرݨ دا مطالبہ کیتا۔ ترجمان جون 1967 توں پہلے دی حداں تے مبنی آزاد، خودمختار، قابل عمل اتے ملحقہ فلسطینی ریاست دے قیام کیتے آپݨے اصولی موقف دا اعادہ کیتا جئیں دا راجگڑھ القدس الشریف ہووے۔
.jpg)
.jpg)
