اسلام آباد۔19اکتوبر (اے پی پی) پاکستان اتے افغانستان فوری جنگ بندی تے اتفاق کیتے، دوحہ اچ تھیوݨ آلے مذاکرات اچ ݙوہیں ملکاں دیرپا امن اتے استحکام کوں یقینی بݨاوݨ کیتے میکانزم قائم ک??ݨ دا عزم وی کیتا۔ اتوار کوں وزیر دفاع خواجہ محمد آصف آپݨے ایکس ٹائم لائن تے اعلان کیتا جو پاکستان اتے افغانستان وچال جنگ بندی دا معاہدہ طے تھی ڳئے، افغانستان توں پاکستان دی سرزمین تے دہشت گردی جلدی نال روک ݙتی ویسی، ݙوہیں ہمسائے ملک ہک ݙوجھے دے علاقے دا احترام کریسن، خواجہ آصف ہفتے دے ݙین٘ہہ دوحہ روانہ تھئے ہن جِتھاں انہاں ہک اعلیٰ سطح دے وفد دی قیادت کیتی اتے افغان طالبان دے نمائندیاں نال ڳالھ مہاڑ کیتی جئیں دا محور افغانستان توں پاکستان دے خلاف سرحد پار دہشت گردی کوں ختم ک??ݨ دے جلدی اقدامات اتے پاک۔افغان سرحد تے امن و استحکام دی بحالی تے مرکوز ہا۔ وزیر دفاع آکھیا جو وفد 25 اکتوبر کوں استنبول اچ ولا ملاقات کریسن تا??جو تفصیلی معاملات تے ڳالھ مہاڑ کیتی ونجے۔ انہاں قطر اتے ترکیہ دے کردار تے انہاں ملکاں دا شکریہ اد?? کیتا، ایں توں پہلے قطر دی وزارت خارجہ وی ہک بیان اچ ایں پیش رفت دا اعلان کیتا جئیں اچ آکھیا ڳیا جو ݙوہیں فریقین آوݨ آلے ݙینہاں اچ فالو اپ میٹنگز منعقد کرݨ تے وی اتفاق کیتا تا??جو جنگ بندی دی پائیداری کوں یقینی بݨایا ونجے اتے ایں دے نفاذ دی قابل اعتبار اتے پائیدار طریقے نال تصدیق کیتی ونجے جئیں نال ݙوہیں ملکاں اچ سکیورٹی اتے استحکام دے حصول اچ مدد مِلسی۔ قطر دی وزارت خارجہ امید ظاہر کیتی جو اے اہم قدم ݙوہیں ملکاں وچال سرحدی کشیدگی کوں ختم کرݨ اچ مدد ݙیسی اتے خطے اچ پائیدار امن کیتے ہک مضبوط بنیاد بݨسی۔ پاکستان زور ݙتا جو او کشیدگی وݙھاوݨ دا خواہشمند کائنی پر افغان طالبان حکام توں مطالبہ کیتا جو او عالمی برادری نال کیتے ڳئے آپݨے وعدیاں دا احترام کرن اتے پاکستان دے جائز سکیورٹی خدشات کوں دور کرݨ کیتے دہشت گرد گروپاں، بشمول ایف اے کے/ٹی ٹی پی اتے ایف اے ایچ/بی ایل اے دے خلاف ݙسݨ آلے اقدامات کرن۔ ݙوہیں ملکاں یعنی پاکستان دی حکومت اتے افغان طالبان رجیم طالبان دی درخواست تے اتے آپس دی رضامندی نال 48 گھنٹے دی عارضی جنگ بندی دا فیصلہ کیتا ہا۔ اے طے تھیا ہا جو ایں مدت دے دوران فریقین ایں اُلجھے ہوئے پر حل تھیوݨ جوڳے مسئلے کوں تعمیری مکالمے دے ذریعے مثبت حل ڳولݨ کیتے کوششاں کریسن۔
.jpg)
