ملتان۔ 08 ستمبر (??ے پی پی) ضلعی انتظامیہ اتے پولیس ولوں جلالپور پیروالا اچ سیلابی صورتحال پاروں ہنگامی انخلاء دا عمل جاری اے، ہݨ تئیں 2 ہزار توں ودھ لوکاں کوں بحفاظت کݙھ تے محفوظ جاہیں تے پڄایا ڳئے۔ کمشنر ملتان ڈویژن عامر کریم خاں اتے ڈپٹی کمشنر ملتان وسیم حامد سندھو ریسکیو آپریشن دی سدھی قیادت کریندے پئن۔ ڈپٹی کمشنر دے مطابق ??رم?? ایوی ایشن اتے پاک فضائیہ دے ہیلی کاپٹر وی آپریشن اچ شامل تھی ڳئن جیڑے جو اُچی جاہیں تے پھتے متاثرین تئیں سُکا راشن پُڄیندے پئن۔ انہاں ٻیا ݙسایا جو وزیراعلیٰ پنجاب مریم نواز شریف دی خصوصی ہدایت تے متاثرین دی ہر ممکن مدد کیتے سارے وسیلے لاتے ویندے پئن۔ سیلاب اچ ڳھرے ??وئے لوکاں تئیں تھرمل ڈرون ٹیکنالوجی دے ذریعے رسائی حاصل کیتی ویندی پئی اے جݙاں جو شہر کوں بچاوݨ کیتے ہک مؤثر حکمت عملی اپنائی ڳئی اے۔ وزیراعلیٰ دی ہدایت تے ٻیا ہک ہزار لائف جیکٹس اتے لائف رنگ وی جلالپور پیروالا پُڄا ݙتے ڳئن۔ انتظامیہ دے مطابق انخلاء کیتے سٹی اچ 29، جلالپور پیروالا اچ 17 اتے تحصیل شجاع آباد اچ 10 بوٹس مسلسل کم کریندی پئن تانجو متاثرین کوں ویلھے تے محفوظ جاہیں تے پڄایا ونڄ سڳے۔
.jpg)
